Corazon Tapoc Cleto

Si Corazon Tapoc Cleto ay Kindergarten Board Chairperson ng Wesleyan 3rd Millennium United Methodist Church at part-time faculty sa College of Education ng Wesleyan University-Philippines, Wesley Divinity Seminary, at Thomas Mission Bible Center. Nagtapos siya bilang Kindergarten Deaconess sa Harris Memorial College Manila noong 1965 at naglingkod sa Wesleyan University-Philippines sa Nueva Ecija sa loob ng 45 taon bilang high school teacher, guidance counselor, principal at dean ng College of Education. Ang asawa niyang si Rev. Dr. Antonio M. Cleto Jr. ay retired professor ng Christian Education at chaplain ng Wesleyan University-Philippines at retired district superintendent ng North Nueva Ecija District ng United Methodist Church. Lahat ng apat nilang anak na sina Lucille Grace, Michael Anthony, David Paul at Emmanuel Joy ay naglilingkod sa iba’t ibang propesyon at may kani-kanyang pamilya na.